Әлеуметтік әріптестік еңбек қатынастарын реттейді. 28 сәуір – Дүниежүзілік еңбекті қорғау күні.
Осындай ерекше датаға орай, Шымкент қаласы Кәсіподақтар орталығында «Дүниежүзілік еңбекті қорғау күні» қарсаңында Әлеуметтік серіктестік және әлеуметтік еңбек қатынастарын реттеу жөніндегі үшжақты комиссияның кезекті отырысы өтті.
Бұл туралы Шымкент қаласының Ақпараттық-коммуникациялық орталығы хабарлайды.
Жиынға қала әкімінің орынбасары Мақсұт Исахов, «Шымкент қаласы кәсіподақтар орталығы» бірлестігінің төрағасы Бауыржан Әлтаев, ҚР жұмыс берушілер Конференциясының өкілі Альберт Толщин және кәсіподақ төрағалары мен қызметкерлері, мемлекеттік басқарма басшылары мен медиаторлар қатысты.
Күн тәртібінде Шымкент қаласындағы кәсіпорындардың мониторингі бойынша анықталған даулы мәселелер мен жалақы қарыздары және келіп түскен арыздар аясында мамандардың есебі тыңдалды.
Отырыста Шымкент қаласы әкімдігі, «Кәсіподақтар орталығы» және «ҚР жұмыс берушілер Ұлттық Конфедерациясы» заңды тұлғалар бірлестігі арасында 2021-2023 жылдарға арналған Өңірлік келісімге қол қойылды.
«ANYQ.KZ» — ақпарат
