«Өткенге құрмет — елге құрмет» тақырыбы аясында қаладағы бірқатар мазарат аумағы күл-қоқыстан тазартылуда.
Игі шаралардың бірі Қаратау ауданындағы аумағы 45 гектарды құрайтын мазаратта өтті. Аудандағы жалпы 25 зират болса, оларды күтіп-ұстау жұмыстарын «ДАШИВЕЦ» ЖК жүзеге асыруда. Қазірге дейін мекеме тарапынан шамамен 800 м3 қоқыс шығарылды.
Осы сынды тазалық жұмыстары аумағы 100 гектарды құрайтын Абай ауданы аумағында орналасқан қаладағы ең үлкен мазараттың бірінде жүргізілді. Қала тұрғындары зиярат ету барысында жерленген туған туыстарының қорымдарының айналасындағы шөптерді және қойылған гүл шоқтарын мазараттың әрбір бұрыштарына шығарып тастауда. Осыған орай бей-берекет қоқыстардың көлемі күннен-күнге артуда.
Аудан аумағындағы мазараттарды күтіп ұстау және санитарлық тазалық жұмыстарын жүргізу бойынша мемлекеттік сатып алу конкурсы өткізілуде. Бүгінгі тазалық жұмыстары демеушілер есебінен жүргізілуде. Тазалық жұмыстарына 7 техника мен 12-адам жұмылдырылған.
Тазалалау жұмыстары үздіксіз жалғасын табатын болады.
«ANYQ.KZ» — ақпарат
