Шымкент: Барлық ауанда «Жасыл қала» акциясы аясында тазалық іс-шарасы өтуде

Бүгін Шымкент қаласының барлық аудан аумағында сенбілік іс-шарасы өтуде,-деп хабарлайды Шымкент қаласы әкімдігінің баспасөз қызметі.

Оған қала әкімдігінің құрылымдық басқармалардың, аудан әкімдігінің қызметкерлері, зиялы қауым өкілдері, Қазақстан халқы Ассамблеясының мүшелері, ЖОО студенттері қатысуда.

Іс-шарада жасыл аймақты, аяқжолдарды, ирригация жүйелерін, сынған бұтақтарды және қоқыстардан арылту, қала аумағындағы саябақтар, гүлзарлар және аллеялар, «Қошқар ата» өзені жағалауының тиісті бөлігін тазалау жұмыстары жүргізілді.

Сенбілік іс-шарасы «Жасыл қала» акциясы аясында ұйымдастырылып отыр.

Қаланы таза ұстау – баршаға ортақ міндет. Қоршаған ортаға жанашырлық таныту, тұрғылықты мекенжайымызды таза ұстау — азаматтық борышымыз

Сондай-ақ, 1 мамыр — Қазақстан халқының бірлігі күні және «Жасыл қала» акциясы аясында ұйымдастырылған іс-шарада қала әкімі М.Әйтенов түрлі этнос өкілдерімен бірге ағаш отырғызып, қаланың көркеюіне өз үлесін қосты.

Онымен бірге, бүгін шаhардағы ескі қалашық аумағында «Shymkent» этноауылы ашылып, жұмысын бастады.

«ANYQ.KZ» — ақпарат