Шымкент: Дезинфекция жұмыстары жалғасуда

Шымкент қаласы Әл-Фараби ауданында жалпы 672 көпқабатты тұрғын үй, 2244 кіреберіс алаңы және 400 ойын алаңы бар.

Қазіргі таңға көпқабатты тұрғын үйлердің аулаларын және кіреберістеріне және басты көшелер мен ішкі орамдық көшелерге дезинфекция жұмыстары жалғасуда. Сондай-ақ, заласыздандыру жұмыстарын бекітілген кестеге сәйкес арнайы мамандар тарапынан жүргізілуде.

Дезинфекциялау жұмысына жұмылдырылған азаматтар арнайы техникамен, қорғаушы костюм және арнайы шашушы құралдармен қамтамасыз етілген.

Шаһардағы карантин режимі кезінде мұндай залалсыздандыру жұмысы кестеге сәйкес, күнделікті өз жалғасын табатын болады.

Сондай-ақ, қаладағы әр аудан басшылығы коронавирус инфекциясының таралу жолдарын тежеу мақсатында ірі сауда орындарын дезинфекциялау жұмыстарын қарқынды түрде жүргізуде.

Бүгінде бұл жұмыстардың жалғасы ретінде Еңбекші ауданында орналасқан «Айна», «Көктем», «Евразия» «Әсел» базарлары мен «Эврика», «Север», «Фиркан Сити», «Грамад» сауда орындары залалсыздандырылды.

Осы ретте сатушыларға санитарлық нормаларды қатаң сақтау керек екені түсіндірілді.

«ANYQ.KZ»-ақпарат.