Сарыағаш ауданына қарасты Қабланбек ауылдық округінің Тасқұлақ елді мекенінде орналасқан «Балдәурен» жазғы сауықтыру лагерінде отбасылық «Әкем, анам және мен» атты спорттық сайыс өтті. Сайысқа 4 отбасы қатысып, спорт ойындарынан құралған 5 шарттан тұратын жарыста бақ сынасты.
Жарыстың нәтижесі бойынша 1-орынға — Қамановтар отбасы, 2-орынға — Жусуповтар отбасы, ал 3-орынға Турдиевтар және Сатыбалдиевтар отбасы ие болды.
Сайыстың жеңімпаздарына бағалы сыйлықтар табысталып, алғысхаттармен марапатталды.
Айта кетейік, аталған шара 23 маусым – мемлекеттік қызметшілер күніне және 26 маусым – Дүниежүзілік нашақорлыққа қарсы күрес күніне орай ұйымдастырылды. Мақсаты – салауатты өмір салтын қалыптастыру, спортты насихаттау, баланы достық пен патриоттыққа, ұлттық мәдениетке тәрбиелеу және ата-анамен бала арасындағы қарым-қатынасты нығайту.
Орайы келгенде атап өтер тағы бір жайт, ағымдағы жылы қала сыртындағы лагерьге Түлкібас ауданы бойынша 2000 баланы сауықтыру жоспарланған. 2024 жылдың 1 шілдесіне балалар Қазығұрт ауданында орналасқан «Турбаза Қазығұрт», «Meirzhan», Түлкібас ауданында орналасқан «Көктөбе-1», «Көктөбе-2» жазғы маусымдық сауықтыру лагерьлерінде демалысын жалғастыруда.
І кезеңде 300 оқушы сауықтырылса, 3-4-ші кезеңдерде 677 оқушы демалуда. Ал, «Қазақстан халқына» қорының демеушілігімен 150 оқушы Түлкібас ауданының Машат шатқалында орналасқан “Машат-Арасан” оқу-сауықтыру лагерінде демалып келді.
Сондай-ақ, олардың жас ерекшеліктеріне қарай, 5-10-шы сынып оқушылары лагерьге қабылданды. Әр аусымның ұзақтығы — 10 күн.
Балалардың жүздерінде күлкі, көңілдері көтеріңкі көңіл-күй. Балаларға сәтті, қызықты демалыс тілейміз!
«ANYQ.KZ»-ақпарат.
