Бүгін Түркістан облысының адами әлеуетті дамыту басқармасының мәжіліс залында Түркістан облысы әкімінің бірінші орынбасары А.Жетпісбаймен бекітілген «2021-2023 жылдарға арналған сейсмикалық қауіпсіздікті қамтамасыз ету бойынша жұмыстың тиімділігін арттыру жөніндегі шаралар кешені» Жол картасының 6 – тармағына сәйкес Төтенше жағдайлар департаментімен бірлескен оқыту-семинары өтті.
Мақсат — жер сілкіністерінің салдарын жеңілдету және әзірлікті қамтамасыз ету, зілзала тәуекелдерін басқару.
Оқыту-семинарға Төтенше жағдайлардың алдын алу басқармасының бас маманы азаматтық қорғау аға лейтенанты Қырықбай Асылбек Асылбекұлы, аға инженер азаматтық қорғау капитаны Ілясов Жүсіп Темірұлы, қалалық, аудандық адами әлеуетті дамыту бөлімдерінің басшылары мен ұжым қызметкерлері қатысты.
