Шымкент тұрғындары өңірдегі бюджет қаражатының мақсатты жұмсалуын бақылай алады

Шымкент қаласының тұрғындары өңірдегі бюджет қаражатының мақсатты жұмсалуын бақылай алады. Бұл туралы «ANTIKOR.LIVE»жобасы аясындағы тікелей эфир барысында Сыбайлас жемқорлыққа қарсы іс-қимыл агенттігінің Шымкент қаласы бойынша департаментінің бірінш іорынбасары Талғар Серікбаев айтты.


Онлайн шарада «Ашық бюджеттердің интерактивті картасының жұмысы мен оның қолдану барысы таныстырылып, аталған карта халық үшін қолжетімді және түсінікті бюджет шығындары туралы маңызды мәліметтерді және қоғамдық бақылаудың тиімді тетігі екендігі айтылды.

Т.Серікбаевтың айтуынша, тұрғындар бюджетті бақылап қана қоймай, қаражатты бөлу бойынша ұсыныстар да енгізуге мүмкіндіктері бар. Қазіргі уақытта Картада Шымкент қаласы бойынша 389 ұйым орналастырылды, 282 млрд.теңгеден астам сомаға 600-ден астам бюджет жарияланды.

«Бюджеттердің ашықтығы бүгінде өте өзекті және тек мемлекеттік органдардың ғана емес, жалпы азаматтық қоғамныңназарын талап етеді.Осы ретте әр азаматтың белсендігі өте маңызды» — дейді спикер.

Сондай-ақ, ол жергілікті бюджеттердің ашықтығына жүргізілген зерттеулердің көрсеткіштеріне тоқталды. «Мысалы, білім саласында қандай да бір өтініш немесе шағым болса азаматтар интерактивті карта сайтына кіріп (www.publicbudget.kz),картадан нысанды тауып, тиісті пікір қалдыра алады. Барлық хабарламалар шара қабылдайтын қызметкерлер тарапынан қадағаланады», – дейді Жани Қамбар. Айта кетейік, «Ашық бюджеттердің интерактивті картасы» (www.publicbudget.kz) әлеуметтік нысандар мен инфрақұрылым бюджетін пайдалану тиімділігін бағалау мақсатында енгізілген.

«ANYQ.KZ»-ақпарат.

Ad Widget

Recommended For You

About the Author: admin

Добавить комментарий

Ваш адрес email не будет опубликован. Обязательные поля помечены *