Мұрат Әйтенов: Басты міндетіміз – Шымкент тұрғындарына өмір сүруге қолайлы орта қалыптастыру

Шымкент қаласының әкімі Мұрат Әйтенов Абай ауданы Құрсай шағын ауданына арнайы барып, тұрғындар мәселесін тыңдады.


Қала әкімінің онлайн қабылдауында болған аталған шағын ауданның тұрғыны ауданда ауыз су мен табиғи газдың жоқтығы, жарықтандыру, денсаулық сақтау нысандар мен жер мәселесін шешіп беруін сұраған болатын.

Тұрғындардың шағымы бойынша Мұрат Дүйсенбекұлы тиісті сала мамандарымен бірге Құрсай шағын ауданында болып, инфрақұрылым мен әлеуметтік нысан мәселесін шешу жолдарын қарастырды.

Биыл Құрсайда жеке инвестор есебінен бір ауысымда 500 адамды қабылдайтын емхана құрылысы басталады. Бұл «Shymkent ӘКК» АҚ-ның ұйымдастыруымен жүзеге асып отыр.

Тұрғын алапты ауыз су, табиғи газ және сапалы электрмен қамту жөнінде энергетика және коммуналдық шаруашылық басқармасы басшысы Боранбай Болатбеков хабардар етті.

Құрсайды ауыз сумен қамтамасыз ету үшін жобалық сметалық құжаттамасы әзірленген. Жалпы жоба құны 5,9 млрд теңге қаралған. Нысанның құрылысын осы жылдың соңына дейін аяқтау көзделіп отыр. Ал, электр жарығымен қамту жұмысы 2019 жылы жүргізілген. Қамтылмай қалған 130 үйге осы жылы «ОңтүстікЖарықТранзит» ЖШС тарапынан модернизация бағдарламасы арқылы кіргізіледі. Құрсайлықтарды табиғи газбен қамтамасыз ету мақсатында 2216 үйге жобалық сметалық құжаттамасы әзірленуде. Басқарма басшысының сөзінше шағын аудан 2021 жылдың соңына дейін толық табиғи газбен қамтылады.

Шағын ауданда жалпы 55 көше бар. Оның 8-і топырақ жол. Тиісті басқармаға ұсыныс беріліп, осы жылы шағал тас төселінеді. Елді мекенде екі көше ғана түнгі жарық шамдармен жарықтандырылған. 2021 жылы мемлекеттік-жекешелік әріптестік аясында тағы бір көше (Ә.Бекболатов) жарықтандылады.

Сонымен қатар, 900 орындық №49 жалпы орта мектепте қазір 3112 оқушы білім алады. Үшауысымды оқытуды жою мақсатында «Shymkent ӘКК» АҚ ұйымдастыруымен 450 орынды «Әл-Фараби» атындағы жекеменшік мектеп пайдалануға берілді. Бұдан бөлек, инвестор «Бекназ и К» ЖШС тарапынан 450 орынды мектептің құрылысы жүргізіліп отыр.

Шымкент тұрғындарының өмір сүруге қолайлы орта қалыптастыру күн тәртібіндегі басты міндет екенін айтқан Мұрат Дүйсенбекұлы бұл бағыттағы мәселелерді жіті бақылауға алатынын және сала басшыларынан атқарылған жұмыстарды жүйелі түрде баяндап отыруды тапсырды.

 «ANYQ.KZ»-ақпарат

Ad Widget

Recommended For You

About the Author: admin

1 Comment

Добавить комментарий

Ваш адрес email не будет опубликован.