Түркістан облысы: Отырар ауданының полицейлері трактордың аккумуляторын ұрлаған күдіктіні ұстады

Отырар аудандық полиция бөліміне ер адам арызданды. Оның айтуынша, тұрғын үйінің ауласының сыртында тұрған «К-700» маркалы трактордың құны 75 000 теңге тұратын 2 дана аккумляторын белгісіз біреу ұрлап кеткен. Жәбірленушіге келген шығын көлемі 150 000 теңге. Аталған жайтты полицейлер Қазақстан Республикасы Қылмыстық Кодексінің 188-бабы 1-бөлігі «Ұрлық» бойынша тіркеуге алды. Бұл жөнінде Түркістан облысы Полиция департаментінің баспасөз қызметі хабарлады.

Хабарламаны естіген тәртіп сақшылары оқиға орнына жедел жетті. Олар ұрлық қылмысын ашуға бағытталған шараларды жүзеге асырды. Жақын аумақтарды түгел қарап шығып, көрген-білгендерден жауап алды. Нәтижесінде оның жергілікті тұрғын екені белгілі болды. Анықталғандай, күдікті жас жігіт сол көшеден күнделікті өтіп, бақылап жүрген. Ер адам ешкімнің байқамай тұрғанын пайдаланып, арам ойын жүзеге асырған. Күдікті ұрлаған бөтеннің мүлкін арнайы аккумулятор қабылдайтын орынға алып барып өткізіп, ақшасын жаратып жіберген. Қазіргі таңда күдіктіге қатысты тергеу амалдары жүргізілуде.

Еске салайық, облыста мұндай жағдай түнеугүні орын алып, кінәлілер жазаға тартылған-ды. Нақтырақ айтсақ, Түркістан облысының полицейлері құны 3 700 000 теңге болатын 50-ден астам аккумулятор ұрлаған жас жігіттерге қатысты істі айыптау актісімен сотқа жолдады. Нәтижесінде Ордабасы аудандық сотының үкімімен әрқайсысына 3 жыл 6 ай мерзімге бас бостандығынан шектеу жазасы тағайындалды.

Осы істі соңына жеткізіп, күдіктіні анықтап, қылмысты ашуда ордабасылық полицейлердің еңбегі зор. Нақтырақ айтсақ, Ордабасы аудандық полиция бөліміне жергілікті тұрғын шағымданып, белгісіз біреулер «КамАЗ» маркалы жүк көлігінің 4 аккумуляторын ұрлап кеткендігі туралы хабарлаған. Жәбірленуші азаматқа келтірілген жалпы шығын көлемі шамамен жарты миллион теңге. Тәжірибелі полиция қызметкерлерінен құрылған жедел-тергеу тобы қылмысты ашуға бірден бағыт алады. Жедел-іздестіру іс-шараларының нәтижесінде криминалдық полиция қызметкерлері күдікті ретінде Арыс қаласының 4 тұрғынын ұстайды. Күдікті жас жігіттер бір ауылдың тұрғындары болып шықты. Олар Арыс және Ордабасы аудандарында орын алған аккумулятор ұрлығын жасаудың 18 жайтына қатысы бар екендіктері анықталды. Ер адамдардан айғақты зат ретінде 20-дан астам ұрланған аккумуляторлар тәркіленді. Белгілі болғандай, күдіктілер әр жасалған қылмысқа жоспар түзіп, сол бойынша дайындалған. Олар өз көліктеріне жалған нөмірлерді қойып, ұрлыққа кіріскен. Содан ауылдас сезіктілер арнайы құрал-сайманның көмегімен, қараусыз, яғни қоршауы әлсіз, тіпті жоқ аулаларға, кілттенбей тұрған түрлі көліктерден аккумуляторларды оп-оңай ұрлаған. Кейін оларды Арыс, Шымкент қалаларындағы темір қабылдайтын орындарға өткізіп, түскен ақшаны өзара бөлісіп алған. Аталған жайт бойынша ҚК-нің 188-бабы «Ұрлық» бойынша тіркеліп, сотқа дейінгі тергеу амалдары жүргізілді. Өз кезегінде сот күдіктілердің бұрын сотты болмағандығын, келтірілген шығындарды өтеп, жәбірленушілердің барлығынан кешірім алғандарын ескеріп, бас бостандығынан шектеу жазасын тағайындаған.

«ANYQ.KZ»ақпарат.

Ad Widget

Recommended For You

About the Author: admin

Добавить комментарий

Ваш адрес email не будет опубликован.