Шымкент қаласының әкімі Мұрат Әйтенов Қала әкімі АГРС-3 нысанының құрылыс барысын бақылады. Бұл туралы Шымкент қаласы әкімдігінің баспасөз қызметі хабарлайды.
Шымкент қаласының әкімі Мұрат Әйтенов энергетика және коммуналдық шаруашылық саласындағы бірқатар құрылыс нысандарын аралады.
Шаһар басшысы алдымен №3 автоматты газ-реттегіш станциясының (АГРС-3) құрылыс барысымен танысты. Құрылысқа жауапты мердігер мекеме – «StroyGazCompany» ЖШС. Жобаның жалпы құны – 9,3 млрд теңге.
Жалпы газ құбырының ұзындығы – 59,0 шақырым. Бүгінде АГРС-3 нысанының техникалық құрал-жабдықтары 100 пайыз орнатылып, құрылыс-монтаж жұмыстары 96 пайызға орындалды.
Қала әкімі бұл жобаның маңыздылығын, қала тұрғындарына керектігін және қала дамуына әсерін тағы бір түсіндіріп өтті.
Бүгінде мегаполис тұрғындарын сапалы және үздіксіз табиғи газбен қамтамасыз ету мақсатында сағатына 250 000 текше метр құрайтын автоматтандырылған газ тарату стансасының құрылысы «Stroy Gaz Company» ЖШС тарапынан жүргізілуде.
«ANYQ.KZ» — ақпарат
Muchas gracias. ?Como puedo iniciar sesion?