Облыста лицензиялау кезең-кезеңмен жүзеге асырылмақ

Өңірлік коммуникация қызметінде Түркістан облысының білім саласында сапаны қамтамасыз ету департаменті басшысының орынбасары мен Облыстық адами әлеуетті дамыту басқармасы мектепке дейінгі ұйымдарды лицензиялауды енгізу бойынша брифинг өткізді.

Мектепке дейінгі білім – қазіргі уақытта лицензияланбайтын жалғыз білім деңгейі. Лицензиялау тексеру тетігі ретінде 2011 жылға дейін жүргізіліп келді. Қазір бұл процедураны қайтару қажеттілігі туындады, өйткені балаларға қатысты көптеген резонанстық жағдайлар ата-аналар мен қоғамды әділеттілікті қамтамасыз ету үшін мемлекеттік органдарға жүгінуге мәжбүр етті. Бұл қоғамның сұранысы

Бұл жағдайда лицензия дайындықты растау құралы ретінде балабақшаны ашу кезінде балалардың жағдайын тексеруге мүмкіндік береді. Бұл ретте біліктілік талаптары әлемнің көптеген елдеріндегі сияқты балалар үшін қажетті жағдайлардың ең аз жиынтығын қамтитын болады: тиісті педагогтердің, бейнекамералардың, оқу материалдарының болуы, санитариялық және өртке қарсы нормаларға сәйкестігі, меншікті немесе жалға алынған ғимараттың болуы.

Лицензиялау кезең-кезеңмен жүзеге асырылады деп жоспарлануда. Алдымен заңдарға, басқа да заңға тәуелді актілерге өзгерістер енгізілетін болады.

Мектепке дейінгі білім беруді қоспағанда, білім берудің барлық деңгейі лицензияланғанын белгілі. Бұл мектептер, колледждер, жоғары оқу орындары. Мысалы, жекеменшік мектептер де лицензияланады. Сонымен қатар, олардың саны 3 жыл ішінде 3 есеге жуық артты, бұл біліктілік талаптарының орындылығын дәлелдейді. Бұл колледждерге де қатысты.

Негізгі талаптардың бірі — топ түрлері бойынша балалар санына, балалар мен қызметкерлердің арақатынасына, педагогтердің біліктілігіне, оқу және ойын алаңдарына, құрал-жабдықтарға, балалардың жас ерекшеліктеріне сәйкес білім беру бағдарламаларына, төтенше жағдайларға дайындыққа, денсаулыққа, медициналық қадағалау, тамақтану.