Жетісай ауданының әкімі Мұрат Болатұлы, жұмыс жоспарнына сәйкес мақта суының тапшылығына байланысты Ынтымақ, Қазыбек би, Ш. Ділдәбеков ауыл округтерінде болып шаруалардың жағдайымен және машиналық әдіспен су сору каналының жағдайымен танысты.
Бұл туралы Жетісай ауданы әкімдігінің баспасөз қызметі хабарлайды.
Кездесу барысында аудан әкімі қазіргі таңда Достық магистралды каналы арқылы, секундына 52 м куб судың келіп жатқанын, алдағы уақытта шаруаларға толықтай ағын су жеткізу үшін тиісті жұмыстар жүргізілетінін айтты. Және мақта зиянкестеріне қарсы күресті, мерзімінен кеш қалмай күшейту керектігін атап өтті.
Айта кетейік, трансшекаралық Достық магистралды каналымен Мақтаарал, Жетісай аудандарындағы 136 мың гектар суармалы жерлер ағын сумен қамтамасыз етіледі. Шілде айында Ташкент қаласында ҚР экология, геология және табиғи ресурстар министрі М.Мырзағалиев Өзбекстан Республикасының Су шаруашылығы министрі Ш. Хамраевпен кездесу өткізген болатын. Кездесу қорытындысымен мемлекетаралық Достық магистралды каналымен Түркістан облысы Мақтаарал, Жетісай аудандарының шаруаларын ағын сумен қамтамасыз ету үшін су жіберу көлемін 80 м3/с-тан 90 м3/с дейін ұлғайтылды.
Қазіргі таңда, Достық магистралды каналымен 92 м3/сек ағын су берілуде. Сонымен қатар, шаруаларды толығымен ағын сумен қамтамасыз ету үшін Шардара су қоймасынан машиналық әдіспен су көтеру каналы іске қосылып, қосымша 10 м3/сек ағын су берілуде.
«ANYQ.KZ» — ақпарат
