Төлеби ауданы басшысы құрылыс алаңына барып, мердігерлермен кездесіп, жүргізіліп отырған жөндеу жұмыстарын барысын бақылады.
— Біздің басты мақсатымыз — барлығының, яғни, республикалық, облыстық, аудандық маңызы бар жолдардың сапасын бақылауға алу. Жол сапасына зор мән беру керек. Кез келген кемшілікке көз жұма қарауға болмайды,- деді мердігерлермен кездескенде аудан әкімі Төлеген Тұртайұлы.
Ленгір қаласындағы көше жолдарының жыры билік тарапынан шешімін тауып отыр. Яғни, аудан орталығындағы көшелердің жолдарында жөндеу жұмыстары жүргізілуде. Ленгір қаласындағы ұзындығы 1,725 шақырым Қ.Дүйсемұратұлы көшесінде орта жөндеу жұмыстары жүргізіліп жатыр. Бұған қоса, қалада жалпы ұзындығы 0.865 шақырымды құрайтын Мичурин, 0,485 шақырымды Титов, 0,185 шақырым Депутат көшелерінде жолдар орта жөндеуден өтуде.
Сондай-ақ, Киелітас ауылдық округі Сұлтан Рабат елді мекеніндегі Жалын көшесінің 2,1 шақырым жолына, осы елді мекеннің Береке көшесінің 0.750 шақырымына, Қызылжар көшесінің 0.640 шақырымы жөндеуден өтуде.
Сонымен қатар Бірінші Мамыр ауылдық округіне қарасты С.Ерубаев көшесінің 0.814 шақырымы, Шұғыла көшесінің 2,70 шақырымы, Жангелді көшесінің 1,13 шақырымы, Бұлақ көшесінің 1,75 шақырымы, Рауан көшесінің 0,31 шақырымы, Балауса көшесінің 0.55 шақырымы, Тағайна елді мекеніндегі Асар көшесінің 1.18 шақырымына, Бейнеткеш елді мекеніндегі Ұлытау көшесінің 2.22 шақырымына, Ынтымақ елді мекенінің Ырыс көшесінің 1,70 шақырымына орта жөндеу жұмыстары жүргізілуде.
«ANYQ.KZ» — ақпарат
