19 қазан — Қазақстан төтенше жағдайлар қызметкерлерінің кәсіби мерекесіне орай аудандық мәдениет сарайында іс-шара болып өтті.
Жылдам, мықты, шыдамды — бұл нағыз құтқарушының ең басты қасиеттері. Өйткені оларға үлкен жауапкершілік жүктелген. Тұрғындардың қауіпсіздігін қамтамасыз етіп, апаттық жағдайға жол бермеу, олардың басты міндеті.
Осындай атаулы дата қарсаңында төтенше жағдайлар қызметкерлерін құттықтаған аудан әкімі Сәкен Сұлтанханов: «Құтқарушы мамандығының ең басты міндеті адамдар өмірін құтқару, бұл жоғары және жауапты қызмет. Тосыннан болған апат кезінде азамттарға бірінші болып көмекке ұмтылатын төтенше жағдайлар қызметінің құтқарушылары. Оған үлкен жүрек, машық, білім мен білік және тәжірибе керек.
Сіздерді кәсіби мерекелеріңізбен шын жүректен құттықтай келе, мерейлі мерекеде зор денсаулық, ұзақ ғұмыр, отбасыларыңызға амандық, құт-береке тілеймін!
Құтқарушы мамандығының ең басты міндеті адамдар өмірін құтқару, бұл жоғары және жауапты қызмет. Тосыннан болған апат кезінде азамттарға бірінші болып көмекке ұмтылатын төтенше жағдайлар қызметінің құтқарушылары. Оған үлкен жүрек, машық, білім мен білік және тәжірибе керек. Дегенмен сіздердің алға қойған басты міндеттеріңіз – халықтың тыныш өмірін, тұрмыстағы, өндірістегі қауіпсіздігін қамтамасыз етіп, апаттық жағдайға жол бермеу» — деп, ізгі ниетін жеткізді.
Жиында төтенше жағдай қызметінде қызмет етіп, ауданның азаматтық қорғау саласына өз үлестерін қосып жүрген бірнеше азамат аудан әкімінің алғыс хатымен марапатталды.
Мерекелік шара соңы мәдениет сарайының өнерпаздары ұсынған көңілді әндері шырқалып, көпшілік көңілінен шықты.
Атап өтер жайт, «Қазақстан Республикасының орталық атқарушы органдарының құрылымын жетілдіру туралы» Қазақстан Республикасы Тұңғыш Президентінің 1995 жылғы 19 қазандағы №2541 жарлығымен табиғи және техногендік сипаттағы төтенше жағдайлар және елдің азаматтық қорғанысы саласындағы уәкілетті орталық атқарушы орган ретінде Қазақстан Республикасының Төтенше жағдайлар жөніндегі мемлекеттік комитеті құрылды.
Қазақстан Республикасының Төтенше жағдайлар жөніндегі мемлекеттік комитетінің құрылған күні азаматтық қорғау жүйесінің кәсіби мерекесі – Құтқарушы күні болып табылады.
1995 жылдан бастап азаматтық қорғау жүйесі айтарлықтай өзгерістерге ұшырады. Орталық атқарушы органдардың құрылымын жетілдіру шеңберінде МТЖК Төтенше жағдайлар комитеті, содан кейін Агенттік, Министрлік, ІІМ ТЖ комитеті болып қайта құрылды және 2020 жылы Президенттің Жарлығымен ТЖ министрлігі болып қайта құрылды.
Министрлік қызметінде төтенше жағдайлардың алдын алу және жою жөніндегі жұмыс ерекше маңызды болып табылады. Құрамына өрт сөндірушілер, құтқарушылар, кинологтар, дәрігерлер, психологтар, диспетчерлер мен ұшқыштар кіретін қызметкерлер төтенше жағдайларды жояды, өртті сөндіреді, адамдар мен мүлікті құтқарады.
2022 жылғы 19 қазанда азаматтық қорғау органдарына 27 жыл толды. Ширек ғасырда елдің азаматтық қорғау жүйесін жетілдіру бойынша айтарлықтай жұмыс жүргізілді, бұл — заңнаманы қабылдау, төтенше жағдайлардан қорғау үшін жаңа объектілер салу, құтқару және өрт сөндіру техникасы мен жабдықтарын сатып алу, Азаматтық қорғау органдары қызметкерлерінің жалақысын арттыру, қызмет өткеру жағдайларын жақсарту, кәсіби кадрларды даярлау, өрт сөндіру-құтқару спорты мен халықаралық ынтымақтастықты дамыту.
ТЖ қызметтері жұмыс істеген жылдары (1995 жылдан 2022 жылдың қыркүйегіне дейін) Төтенше жағдайлар мен өрттерді жоюға 1 млн. 545 мыңнан астам шығу жасалды. Олардың қызметі, кәсібилігі мен жеделдігінің арқасында 401 мыңнан астам адам құтқарылды, ТЖ түрлі аймақтарынан 366 мыңнан астам адам эвакуацияланды, 66 мыңнан астам зардап шеккендерге медициналық көмек көрсетілді.
Тек 2022 жылдың басынан бастап Төтенше жағдайларды жою үшін өрт сөндіру қызметі, жедел-құтқару және ТЖМ-нің басқа да бөлімшелері 61 мыңнан астам шығуды жүзеге асырды, 9 мыңнан астам адам құтқарылды, 10 мыңға жуық адам эвакуацияланды, 3 мыңнан астам азаматқа алғашқы медициналық көмек көрсетілді. 9 мыңнан астам табиғи және техногендік сипаттағы төтенше жағдайлар мен оқиғалар тіркелді. Өткен жылмен салыстырғанда 0,1% — ға төмендеді, «112» шұғыл қызметтерінің телефондарына азаматтардан 4 901 489 қоңырау түсті, «101» пультіне — 1 143 323.
«ANYQ.KZ»-ақпарат.
