ШЫМКЕНТ: ТАЗАЛЫҚ КҮНІНЕ БІРГЕ АТСАЛЫСАЙЫҚ!

17 қыркүйек — «Дүниежүзілік тазалық күні (World Cleanup Day 2022)» экологиялық акциясы аясында өтетін жалпықалалық сенбілікке қатысуға шақырамыз.

Акцияның мақсаты — Шымкент қаласы аумағында қоқыстан тазарту жұмыстарын іске асыру және қала тұрғындарын тазалық жұмыстарына жұмылдыру.

Сүйікті қаламыздың тазалығына сіз бен біз жауаптымыз. Ендеше сенбілікке белсене қатысайық!

Қаламызда қоқысқа қатысты мәселенің туындағаны белгілі. Оның нақты себептері бар.

Қазіргі таңда қала бойынша көп қабатты үйлерден қоқыс шығарумен айналысатын мекеме бұл салада үлкен басымдыққа ие. Аталған мекеме жалпы 2 294 көп қабатты үйлердің 1 643 яғни 71,6 % және 4268 көшелердің 1 058 көшелердің яғни 24,7 % қоқысына жауапты.

Мекеме түрлі себептерді алға тартып, Өзіне жүктелген міндеттемелерін орындамауда.

Атап айтқанда:

1-ші себеп дизель отынының жоқтығын алға тартқан.

Аталған мәселе бойынша қала әкімдігі тарапынан дер кезінде тиісті жұмыстар жүргізіліп, оң шешімін тапқан. (нәтиже жоқ)

2-ші себеп ай сайынғы түсімдер тоқтаған

Міндеттемелерін орындамаған мекемеге қала тұрғындары наразылық білдіріп, төлем жасаудан бас тартқан. Салдарынан ай сайынғы қаржылай түсім тоқтап, мекеменің лизингтік жүктемесі және жұмысшы ақысын төлей алмауына байланысты жалпы жұмысы толық тоқтағқан.

Нәтижесінде қала бойынша қоқыстар жиналып, үлкен мәселеге айналды.

Қазіргі таңда, шұғыл түрде бұл қызметті атқаратын мекемелерді жұмылдырудамыз. Қысқа мерзімде мәселе оң шешімін тауып, қаламыздың тазалығы қалпына келетін болады.

Қала тұрғындарын осы себептерден туындаған баршамызға ортақ мәселеге түсіністікпен қарауға шақырамыз.

Еске салар болсақ, қаламыздағы көшелер, автобус бекеттері, саябақтар мен гүлзарлардың тазалығына және аталған жерлердегі (қоғамдық жерлер) тазалық пен қоқыстың шығарылуына тікелей мемлекеттік мекемелер жауапты.

Ал көп қабатты үйлер мен жеке секторлардағы үйлерден шыққан қоқыстардың уақытылы алынуы мен қоқыс жәшіктерінің тазалығына тұрғындармен (ОСИ, ПТ) келісім – шартқа тұрған мекеме жауапты екенін ескеру қажет.

Мекеме жұмысын сапалы және кестеге сай орындамаған жағдайда, олармен болған келісім шартты бұзып, басқа мекемемен келісу тұрғындарымыздың құзіретінде.

 

Ad Widget

Recommended For You

About the Author: admin

Добавить комментарий

Ваш адрес email не будет опубликован.