Үшінші мегаполисте ирригациялық жүйелердің маңызды мәселе екені белгілі.
Бұл жүйедегі жетіспеушілік пен олқылықтар ескеріле отырып, шешім жолдарын қарастыру мақсатында шаһар басшысының бастамасымен құрылған жұмысшы топтың кезекті отырысы өтті.
Жиында ирригациялық жүйені қажет ететін 150 нүктенің әрбірі зерделеніп, жан-жақты шешу жолдары баяндалды.
Су басу қаупі бар нүктелердің басым бөлігі мегаполиске жаңадан қосылған елдімекендер екендігін айта кеткен жөн. Себебі онда ирригациялық арықтар осыған дейін мүлде қарастырылмаған.
Ирригацияның болмауы, ескіруі немесе кезінде жекеменшікке өтумен бірге жойылған бұл жүйедегі кемшіліктердің салдарын, көктем мен күз маусымдарында қала тұрғындары көруде.
Жаңбыр суының жиналуы, өзендердің тасуы тұрғындар тіршілігіне кері әсерін тигізетінін айтқан қала басшысы өзекті мәселені жан-жақты әлі де зерделеу қажеттігін айтты.
— Анықталған орындардың арнайы жобасы дайындалып, ирригациялық желіні бір жүйеге келтіру үшін концепция жасау керек. Сол бағыттағы жұмысты жандандыру аса маңызды. Әрбір нүктенің техникалық құжаттарын жасап барып, ретке келтіру содан кейін басталады. Қажетті орындарға су жинағыш шұңқыр да орналастыруға болады. Осының бәрін зерделеп, келесі отырысқа дейін ұсыныңыздар. Арық-атыздардың қоқыстан үнемі тазартылып отыруына да көңіл бөлген жөн, — деп аудан әкімдері мен сала басшыларына мәселені терең саралап, жоспарға сай жүйелі жұмыс жасауды тапсырды.
«ANYQ.KZ-ақпарат»
Lorsque vous prenez des photos avec un téléphone mobile ou une tablette, vous devez activer la fonction de service de positionnement GPS de l’appareil, sinon le téléphone mobile ne peut pas être positionné. https://www.xtmove.com/fr/how-to-track-location-through-mobile-phone-photos/