Астанада тұрмысы нашар отбасылардың үйіне газ кіргізуге 400 мың теңгеден беріледі

Нұр-Сұлтанда 11 сәуірден бастап үйлерді газға қосу үшін берілетін әлеуметтік көмек мөлшері ұлғайтылды.


Бұл бастаманы елорда әкімі Алтай Көлгінов ұсынды, деп хабарлайды ҚазАқпарат.

Бұрын әлеуметтік аз қамтылған санаттарға 90 АЕК мөлшерінде ақшалай көмек бөлінетін, бұл – 260 мың теңгеден астам.

Енді осы әлеуметтік көмектің мөлшері 130 АЕК-ке дейін – 410 мың теңгеден астам сомаға ұлғайтылды. Әлеуметтік көмекті арттыру туралы ұсынысты қалалық мәслихат қолдады.

Әлеуметтік көмектің бұл түрін алуға өтінімді egov.kz («электрондық өтініштер» — «онлайн қызметке тапсырыс беру») портал арқылы қалдыруға болады. «Ұстау» бағанында тұрғын үйді газдандыруға әлеуметтік көмек, «алушы» бағанында – жұмыспен қамту және әлеуметтік қорғау басқармасы таңдалады.

Еске сала кетейік, елордада жеке секторды газдандыру жұмысы жалғасып жатыр.

Қазіргі уақытта Алматы және Сарыарқа аудандары толығымен газдандырылды.

Ол үшін қалада 680 шақырымнан астам газ тарату желілері салынды, желілер 9 елді мекенге жеткізілді.

Қалған екі аудан бойынша газ тарату желілерін салу жұмысы кезең-кезеңмен жүргізілетін болады.

Елорданы газдандыру қала экологиясын айтарлықтай жақсартуға әсер етеді.

Қазіргі уақытта 3 мыңнан астам отбасы газға көшті. Бұл қазірдің өзінде 40 мыңнан аса отбасы өз үйін көмірмен жылытпайды дегенді білдіреді.

Ал бұл орташа есеппен 40 мың тонна көмірді құрайды. Газға қосылған үйлердің саны күн сайын артып келеді.

Сонымен қатар ЖЭО-1 және ЖЭО-2-дегі барлық су жылыту қазандығы газға ауыстырылды.

Қаланы газдандыру Мемлекет басшысының тікелей бақылауында.

 «ANYQ.KZ-ақпарат»

Ad Widget

Recommended For You

About the Author: admin

Добавить комментарий

Ваш адрес email не будет опубликован.