Сайрам ауданы әкімінің міндетін уақытша атқарушы Хасанов Бақытбек Сембекұлы «Қайнар Астық» өндірістік кооперативінің мүшелері мен Қайнарбұлақ ауылдық округінің әкімі Есбол Дүйсебаевтарды қабылдады.
Қабылдау барысында тұрғындар кооператив мүшелерімен 2013-2023 жылдар аралығында «Нұр-көл» ЖШС-нің «Қайнар Астық» өндірістік кооперативіне тиесілі жерлерді жеке және заңды тұлғаларға сатылған жылжитын, жылжымайтын мүліктердің сату-сатып алу келісімшарттарын жарамсыз деп танып, күштерін жою туралы Сайрам аудандық сотына талап арызымен жүгінгенін айтты. Аталған талап арыз аудандық сотта қаралып, ағымдағы жылдың 11 мамырында аудандық соттың шешімімен қанағаттандырылғаны туралы хабарын жеткізді.
Бақытбек Хасанов тұрғындардың мәселесін тыңдап, тиісті ой-пікірін білдірді.
«ANYQ.KZ»-ақпарат.
