Шымкент қаласының әкімі Ғабит Сыздықбеков мегаполистегі бірқатар өндіріс, әлеуметтік орындардың жұмысымен танысты. Бұл туралы Шымкент қаласы әкімінің баспасөз қызметі хабарлады. Шаһар басшысы “Оңтүстік” индустриалдық аймағында “BESKUDUK TAS” ЖШС-не барып, жұмысымен танысты. Бұл кәсіпорын коралл түстес табиғи тас өндіру әрі өңдеумен айналысады. Өндірілетін өнім плитка және кірпіш түрінде болады және ғимараттарды қаптауға пайдаланылады. Сондай-ақ, “Kaspy Steel” ЖШС-нің қызметімен танысты. Литейлік зауыт жыл сайын 1000 тонна болат пен шойын өнімін шығарады. Компания басшылығы технологиялық процестерді дамыту мен жетілдіру жоспарлары туралы ақпарат берді. Қала әкімі заманауи экологиялық технологияларды енгізу мен пайдаланудың маңыздылығын атап өтті. Ең алдымен, олар қоршаған ортаға теріс әсерлерді төмендетуге бағытталуы тиіс, — деді шаһар басшысы.
Қала әкімі Қаратау ауданына қарасты “Белсенді ұзақ өмір орталығы” филиалында болды. Бұл бірегей жоба зейнеткерлер арасында үлкен сұранысқа ие. Орталыққа келгеннен кейін олар ең алдымен, алғашқы медициналық тексеруден өтеді. Сонымен қатар мұнда емдік дене шынықтыру, йога кабинеттері, би және фитнес залдары жұмыс істейді және ағылшын, араб тілдерін үйренуге арналған сабақтар жүргізіледі. Мекемеде білікті мамандар, дәрігерлер мен психологтар қызмет атқарады. Жалпы, белсенді ұзақ өмір сүру орталығының» негізгі мақсаты – егде жастағы азаматтардың белсенді өмір салтын қалыптастыру және дамыту, егде жастағы азаматтардың бос уақытын тиімді ұйымдастыру болып табылады. Қазіргі таңда бұл бірегей жоба егде жастағы адамдар арасында зор сұранысқа ие. Бүгінде Шымкентте осындай төрт орталық өнімді жұмыс істеуде. Орталықта аға буын өкілдерімен әңгімелескен қала басшысы олардың жағдайын сұрап, ардагерлердің ұсыныс-тілектерін де тыңдады. Мұнда 100-ге жуық зейнеткер екі ауысымда арнаулы әлеуметтік қызметтер алады. Айта кетерлігі, мұнда қариялар үшін емдік дене шынықтыру және йога кабинеттері, би және фитнес залдары бар, ағылшын және араб тілдерінде сабақтар да өткізіледі. Мекемеде білікті мамандар, дәрігерлер, психологтар жұмыс істейді.
«ANYQ.KZ-ақпарат»
