Шымкент қаласының әкімі Ғабит Сыздықбеков басқарма басшыларымен және аудан әкімдерімен бірге қала тұрғындарын кезекті рет жеке қабылдады.
Қабылдауға 150-ден астам азамат қатысып, әлеуметтік қолдау, кәсіпкерлікті дамыту, тұрғын үй және жер қатынастары, қаланы абаттандыру, сондай-ақ көлік инфрақұрылымын жақсарту мәселелері бойынша өтініштерін жеткізді.
Әрбір өтініш қолданыстағы заңнама талаптарына сәйкес қаралып, азаматтарға тиісті түсіндірмелер берілді. Жауапты орындаушылар айқындалып, қарау мерзімдері белгіленді. Қала әкімі барлық мәселенің түпкілікті шешім қабылданғанға дейін жеке бақылауда болатынын атап өтті.
Қабылдау барысында қала кәсіпкерлерінің мұқтаж отбасыларға атаулы әлеуметтік көмек көрсетуге және балаларды жаңа оқу жылына дайындауға бағытталған әлеуметтік бастамалары да қарастырылды.
Қала әкімі әлеуметтік жауапкершілігі жоғары кәсіпкерлердің мұндай игі бастамалары қоғамдағы өзара қолдау мәдениетін нығайтып, Шымкенттің тұрақты дамуына елеулі үлес қосатынын атап өтті.
Мемлекет басшысы Қасым-Жомарт Тоқаев халықпен тікелей жұмыс істеудің, азаматтардың өтініштеріне жедел жауап берудің маңызын әркез атап келеді. Бұл талап — Шымкенттегі негізгі басымдықтардың бірі. Қала әкімінің жеке қабылдауында 150-ден астам тұрғынның мәселесі тыңдалып, әлеуметтік қолдау, тұрғын үй, жер және инфрақұрылым мәселелері қаралды. Мұндай қабылдаулар тұрғындардың өз мәселесін тікелей жеткізуіне мүмкіндік беріп, мемлекеттік органдардың жұмысын бақылауға мүмкіндік береді. Әрбір өтініш бойынша жауапты орындаушылардың белгіленуі мен мерзімдердің нақтылануы нақты нәтижеге бағытталған жұмысты күшейтеді. Әлеуметтік қолдауға мұқтаж азаматтарға көмек көрсету, кәсіпкерлердің қайырымдылық бастамаларын қолдау және балаларды жаңа оқу жылына дайындау қоғамдағы жауапкершіліктің маңызын көрсетеді. Президент айқындаған халық үніне құлақ асатын мемлекет қағидатының мәні де осындай нақты істерден көрінеді. Сондықтан тұрғындармен тұрақты байланыс орнату, өтініштерді уақытылы қарау және көтерілген мәселелердің шешімін соңына дейін жеткізу Шымкенттің әлеуметтік тұрақтылығы мен халықтың өмір сапасын арттыруға нақты ықпал етеді.
«ANYQ.KZ»-ақпарат.
