Шымкент қаласының әкімі Мұрат Әйтеновтың бастамасымен «Шымкент жастар лигасы» жобасының шахмат спорт түрінен финал ойыны өтті. Бәсі басым байқаудың қорытындысы 1 маусым – Халықаралық балаларды қорғау күні белгілі болмақ. Жеңімпаз командалар Қажымұқан орталық стадионында марапатталатын болады.
Сонымен, спорттың шахмат түрінен ұзын-ырғасы 130 команда қатысып, финалдық кезеңге:
Абдраш Назарбеков атындағы №87 жалпы орта білім беретін мектебі;
З.Космедемьянская атындағы №23 мектеп-лицейі;
№2 дарын;
Ахмет Байтұрсынов атындағы №50 мектеп-гимназиясы;
Ө.Жолдасбеков атындағы №9 IT мектеп-лицейі;
А.С.Пушкин атындағы мектеп – гимназиясы;
Т.Тәжібаев атындағы №47 мектеп-гимназиясы;
№45 мектеп-гимназиясы;
Ы.Алтынсарин атындағы №65 мектеп-гимназиясы;
А.Макаренко атындағы №41 мектеп-лицейі;
Н.Оңдасынов атындағы №38 мектеп-гимназиясы;
Ақпан батыр атындағы №10 жалпы орта білім беретін мектебі;
№68 жалпы орта білім беретін мектебі;
№89 IT мектеп-лицейі;
№69 жалпы орта білім беретін мектебі;
№88 жалпы орта білім беретін мектептері өтіп, нәтижесінде: І орын Ө.Жолдасбеков атындағы №9 IT мектеп-лицейіне бұйырды. ІІ орын – Ы.Алтынсарин атындағы №65 мектеп-гимназиясының еншісінде. Ал, ІІІ орынды Т.Тәжібаев атындағы №47 мектеп-гимназиясы иеленді.
Бұл жоба үш айға созылды. Жоба аясында футбол, волейбол, баскетбол, шахмат сынды спорттың 4 түрінен ойындар өтуде. Онда 151 жалпы орта білім беру мектебінен 514 команда қатысуда. Дәлірегі, Абай ауданынан – 37, Әл-Фараби ауданынан – 25, Еңбекші ауданынан – 40, Қаратау ауданынан – 38. Сонымен қатар, командаларға қолдау көрсетуге 151 мектептен Фан-клуб командалары жасақталып, 2265 оқушы қамтылды. Жастар лигасы жобасының жүлде қоры – 80 миллион теңге. Яғни мектеп оқушылары арасындағы спорттық сайыстың жеңімпазы атанған 4 мектепке 20 миллион теңгеден қаржылай сыйлық берілмек. Ал, ол мектеп қажеттілігіне бағытталмақшы. Байқауға демеушілік жасағандар қаланың жеке кәсіпкерлері екенін атап өткен жөн.
«Спорттық сайыс – мегаполис балалары арасында ынтымақты ұйыстыруға зор мүмкіндік. Балғындар табандылыққа, мақсат қоюға машығады» – дейді қала әкімінің бірінші орынбасары Шыңғыс Мұқан.
Жобаның бірінші кезеңінде 140 білім беру ұйымынан 500-ден астам команда жасақталып, 6 мыңнан астам оқушы бағын сынады.
«ANYQ.KZ»-ақпарат.
Some software will detect the screen recording information and cannot take a screenshot of the mobile phone. In this case, remote monitoring can be used to view the screen content of another mobile phone.
En la actualidad, el software de control remoto se utiliza principalmente en el ámbito ofimático, con funciones básicas como transferencia remota de archivos y modificación de documentos.