АРЫС: Арыс қаласының адами әлеуетті дамыту бөліміне қарасты №1 Е.Молдабаев атындағы жалпы орта мектеп интернаты КММ-де «Ұстаздар күні» қарсаңында «Дублёр күні» болып өтті.

Дублёр күнінің басты мақсаты — мектептегі өзін-өзі басқару ұйымының қызметін жандандыру, оқушылардың көшбасшылық қабілеттерін дамыту. Оқушылар дублер күніне орасан зор жауапкершілікпен қарап, алдын ала өздерінің атқаратын функционалдық міндеттерін бөліп алып, пән мұғалімдерінен сабақ жоспарларын сұрап, өздерінің атқаратын жұмыстарына білек сыбана кірісті. Мерекелік іс-шара күні «Өзін-өзі басқару» ұйымының мүшелері мектепке мерекелік көңіл-күй қалыптастырып, сабақтарын қызықты өткізіп, шынайы қызығушылықтарымен білім берді.