Түркістан облысы адами әлеуетті дамыту басқармасы Арыс қаласының адами әлеуетті дамыту бөлімі мемлекеттік мекемесіне қарасты «Ж.Тәшенов» атындағы жалпы орта білім беретін мектебінде Ұстаздар күніне орай Аға тәлімгер Р.Миркибаева мен Б.Мырзатаеваның ұйымдастыруымен «Ұстазы жақсының-ұстамы жақсы»» атты мерекелік іс –шара өткізілді. Мақсаты :Ұстаздың адам өмірінде алатын орны зор екендігін, ұстаздарды құрметтеу, сыйлау және қадірлеу қасиеттерін оқушылар бойына дарыту.
Ұстаз мамандығының қыры мен сырларын түсіндіру.Ұстаз еңбегін әрқашан бағалай білуге тәрбиелеу.Мұғалім бәрінен де қымбат, өйткені мұғалім мектептің жүрегі, қазақтың тұңғыш педагогы Ы.Алтынсарин айтқандай :«Мұғалім –білім беруші ғана емес, тәлім тәрбие беріп, бағыт бағдар көрсетуші , адами қасиеттерді бойына жинаған талантты тәлімгер…» Мектеп директорының тәрбие ісі жөніндегі орынбасары Е.Исабеков, Аға тәлімгер Р.Миркибаева, ұйымдастырушы педагог Б.Мырзатаева ұстаздарға арнап жылы лебіз тілектерін, құтықтауларын жеке мектеп ұжымына, әлуметтік желі арқылы жіберді.
Биылғы жылдағы дәстүрлі «Ұстаздар» мерекесі әдеттегіден өзгеше деңгейде өтті. Сонымен қатар таңертең 10-11 сынып оқушылары қолдарына гүл алып ашық хатпен мұғалімдерді қошеметпен қарсы алып өз құрметтерін көрсетті. Сонымен қатар Қазан айының төрті күні мектепте «Құрметтейік ұстазды» ұранымен өткен «өзін-өзі басқару» Дублер күні ұйымдастырылды. Бір апта бұрын «өзін-өзі басқару» күнін ұйымдастыру жоспары жасалып, сол жоспар бойынша жұмыс жүзеге асырылды.10-11 сынып оқушылары төменгі буындарға мұғалімдердің орнына сабақ берді. Бастауыш сыныпқа бөлінген тәлімгерлерде қалыс қалмады. Оқушылар ұстаз болып, шеберліктерін байқата білді. Нәтижиесі жаман емес. Әрбір оқушы өзіне тиесілі сабақтарға жоғары деңгейде дайындалып, өздеріне сабақ берген ұстаздарынан алған тәлім-тәрбиелерін іс жүзінде тамаша қолдана білді. Тіпті кейбір оқушылар оқытудың жаңа технологияларын пайдалана отырып, сабақтарын қызықты өткізіп, ұстаздарының көңілінен шыға білді. Түскі ауысымнан кейін Аға тәлімгер Р.Миркибаева, Б.Мырзатаева және 11сынып түлектері ұстаздарға арналған «Ұстазы жақсының-ұстамы жақсы!»» атты мерекелік концерттері ұйымдастырып, мұғалімдердің көңілдерінен шықты.тМерекелік іс шараны Тұмарым» би тобының орындауында «Шаттық» биімен ашып, 7 сынып оқушысы Бахытжан Асель, 6 сынып оқушысы Оразалы Арайлым «Мектебім» әнімен жалғасын тапты. Сөз кезегін мектебіміздің директоры: Маханов Санжар ағайға, Директордың оқу ісі жөніндегі орынбасары Смайлов Дәлет ағайға, Директордың тәрбие ісі жөніндегі орынбасары Исабеков Еркін ағайға, Директордың бейіндік оқыту жөніндегі орынбасары Баймаханова Гаухар апайға сөз кезегін беріліп жақсы тілектерін білдірді. 11 сынып оқушысы Дархан Ләззат «Ұстазым менің» монологын мәнерлеп оқыды, «Ақкербез» би тобы «Хорезм» биін билеп, 10 сынып оқушылары «Мұғалімдер күні» әнін хормен орындады, 5 сынып оқушысы Марат Рамазан «Ұстазым» әнін шырқады. «Сыр сұлу» би тобы «Құс биі» билеп, 1 сынып оқушылары «Мектебім» әнін хормен шырқады, 6сынып оқушылары Абыз Нұрлыбек, Оразалы Арайлым «Ұстазым» әнін дуэт ретінде орындады. Мереклік іс шараға ардагер ұстаздар шақырылып алғыс, тілектерін білдіріп, ұстаздық жолындағы қызығымен қиыншылығы қатар жүретін сүйікті мамандық екендігін аттап өтті. Жүргізушілер Ұстаздарға арнап әр шардың ішінде сұрақтар жасырып, оларға ұстаздар жауап берді.
Ұстаздарға арналған мерекелік кешті қорытындылап 10 сынып оқушыларымен хормен «Ұстазым менің, ұстазым» әнін шырқады. Іс шара өз деңгейінде өтілді.
