Түркістан облысы, Арыс қалалық мәдениет үйінде “Ұстаз жолы-ұлы жол!” атты мерекелік іс-шара өтті.
«Алты Алаштың басы қосылса, төр-мұғалімдікі…» (М.Жұмабаев)
Салтанатты іс-шараны қала әкімі Құрманбекова Гүлжан Мамытқызы ашып, білім саласының қызметкерлерін кәсіби мерекесімен құттықтады және қалалық маслихат хатшысы Байтанаев Амантай Алтынбекұлы, қалалық адами әлеуетті дамыту бөлімінің басшысы Момбеков Әшімхан Тілеуханұлы білім саласында еселі еңбек етіп жүрген ұстаздарды құттықтап, ардагер ұстаздарымызға бүлдіршіндеріміз гүл шоқтарын ұсынды.
Ұстаздарымызға бүгінгі мерекеде «Құрмет грамотасы», «Алғыс хаттары» және төс белгілері табысталды.
Құрметті, Арыс қаласының ұстаздар қауымы! Сіздерді төл мерекелеріңізбен шын жүректен құттықтаймын! Еліміздің ертеңі сіздердің қолдарыңызда кәсіби құзіреттеріңізді сәт сайын дамытып, шыңдала беріңіздер, ұстаз деген ұлы атқа лайықты бола беріңіздер! Сіздер тек қана білім нәрімен сусындатушы ғана емес болашағымыздың негізін қалаушысыздар. Сондықтан сіздерге қандай құрмет көрсетсекте көптік етпейді.
Мерекелеріңіз құтты болсын, құрметті ұстаздар!
Мерейлі мерекеде ұстаздардың марапатталғаны әріптестеріміз үшін үлкен қуаныш, — деді Арыс қаласы адами әлеуетті дамыту бөлімінің басшысы Момбеков Әшімхан Тілеуханұлы.
Сонымен қатар Арыс қалалық білім және ғылым қызметкерлері кәсіподақ комитетінің төрағасы Мухаев Жұматай Ишантайұлы құттықтау сөз сөйлеп және «Арыс ақиқаты» газетінің журналисті Әбдіков Темірхан Қыстаубайұлы мектептің педагог қызметкерлеріне «Ұстаздарға арналған жыр жолдары» өлеңін арнап ізгі тілегін жеткізді.
Салтанатты шара соңы қаламыздың өнерпаздарымен қатар ұстаздар мен мектеп оқушыларының мерекелік концертімен қорытындыланды.
