Бүгін Жетісай қаласындағы 57 жылдық тарихы бар іргелі қара шаңырақ аталған Ғ.Мұратбаев атындағы гуманитарлық- техникалық колледжінде педагогтардың тамыз кеңесі өтті.
Ауданының адами әлеуетті дамыту бөлімінің ұйымдастыруымен өткізіліп жатқан шараға, білім ордаларының басшылары, ардагер ұстаздар, ата-аналар комитетінің төрағалары, мектепке дейінгі білім беру ұйымдарының меңгерушілері мен БАҚ өкілдері қатысты.
Алғашқы сөзді бөлім басшысы Тұрсын Әзіретұлы Мирзалиев алып, білім саласының өткені мен болашағына, қазіргі әлеуетіне тоқталды. «Дарын мамандандырылған мектеп-интернатының директоры Алиев Көбейбек Әмірбекұлы, колледж директоры Лаззат Алғибайқызы баяндама жасап, жаңалықтармен бөлісті.
Алқалы жиын барысында оқушыларының қолөнер бұйымдары, туындылары, білім құндылығының қайнар көзі кітап көрмелері таныстырылды. Сондай-ақ білім саласында қажырлы еңбек еткен ұстаздар марапатталды.
