Мейірімділік — халқымыздың ең ізгі қасиеттерінің бірі. «Жанашырлыққа — жан риза» дегендей мүмкіндігі шектеулі, ерекше оқытуды қажет ететін балалардың жанашыры болып, аялы алақанын тосып, жүрек жылуын ұсыну, сауабы мол іске ат салысу әрбір ұстаздың азаматтық парызы.
Адамдар бір — біріне мейірімділік таныту арқылы жақсылық жасайды. Осы орайда Кентау қалалық адами әлеуетті дамыту бөліміне қарасты Ататүрік атындағы №4 мектеп-лицейінде 2022-2023 оқу жылында денсаулығына байланысты үйде оқитын балаларға жәрдем беру, жас ұрпақтың бойына адамгершілік, ізгілік, қамқорлық, қайырымдылық сияқты асыл қасиеттерді бойына дарыту, қолдау көрсету мақсатында директордың оқу ісі жөніндегі орынбасары Дүйсенбиева Нургуль, тәрбие ісі жөніндегі орынбасары Ауелбеков Арман, әлеуметтік педагог Жұмабекова Мөлдір, мектеп психологы Наманова Орынкүл және мектеп медбикесі Кумекбаева Ботаның ұйымдастыруымен қыркүйек айының 13-і күні мектептегі ерекше оқытуды қажет ететін үйде оқитын оқушылардың үйіне барып, ата-аналарымен кездесіп, оқушылардың үй жағдайындағы ахуалын, баланың денсаулығын, оқулықтармен толық қамтылғанын, пән мұғалімдерінің сабақ кестесіне сай уақытылы сабақтарын беріп жатқанын көріп қайтты. Сондай-ақ «Отбасы күніне» орай, мерекемен құттықтап, оқушыларға сый-сияпат жасап, көңілдерін көтеріп, қуаныш сыйлады.
