КЕНТАУ: оқушылар «AMANAT» партиясының қалалық бөлімшесінде қонақта болды

Кентау қаласының адами әлеуетті дамыту бөліміне қарасты Ы.Алтынсарин атындағы #1 мектеп-гимназиясы директорының тәрбие ісі жөніндегі орынбасары Тұрар Омаров 11 «а» сынып оқушыларын сабақтан бос уақытында «AMANAT» партиясының Кентау қалалық филиалында қалалық партияның атқарушы хатшысы Арман Басаровпен, филиал консультанты Бейсен Самбетовпен кездесу ұйымдастырды. Кездесу барысында «AMANAT» партиясы Кентау қалалық филиалының атқарушы хатшысы Арман Амангелдіұлы Президент Қасым-Жомарт Тоқаевтың Қазақстан халқына Жолдауында ел ертеңі жастардың мәселесіне, атап айтқанда еңбекпен қамтитын түрлі шаралар арқылы келесі жылы 100 мың жасқа жұмыс беру. Жастардың кәсіпкерлік бастамаларына қолдау көрсету. Оларға жеңілдетілген тәртіппен жылдық өсімі 2,5 пайыз болатын шағын несие беру. Бұл шаралар қоғамның барынша үйлесімді әрі әділетті болуына ықпал ететінін. Жастарға жан-жақты қолдау көрсету – мемлекетіміздің басты міндетінің бірі. Партия жастар қанатының «Жастар рухы» болып өзгергенін. Республика көлемінде алдағы уақытта дарынды жастар үшін жобалар жәрмеңкесін және басқа да іс-шараларды өткізу, жас көшбасшыларға арналған оқу бағдарламаларының тиімділігін арттыру, NEET санатындағы жастардың проблемаларын шешу жөніндегі жұмысты күшейту, «Бір толқында» пікірталас алаңдарын және ЖОО түлектерін жұмысқа орналастыру бойынша агенттіктер құрылатынын айтты. Филиал консультанты Бейсен Дүйсенұлы мектеп бітіруші оқушыларға «Серпін» оқу бағдарламасының жобасымен таныстырды. Кәмелеттік жасқа толмаған жасөспірімдердің арасындағы құқық бұзушылықтардың алдын алу бойынша да түсіндірме жұмыстарын жүргізді. Мектебіміздің оқушыларына биылғы оқу жылында ҰБТ-да жоғары балл жинап, армандаған оқу орындарына түсулері үшін тілектестік білдіретінін айтты. Арман Басаров, Amanat Partiyasy Kentau Kalasy