«Балалар жылына» орай Түркістан қалалық «Фараб» кітапханасында «Бал таңдай» балалар өнер фестивалі аясында облыстық балалар ән байқауы өтті. Облыстық мәдениет және халық шығармашылығы орталығы ұйымдастырған додаға өңіріміздің түкпір-түкпірінен қатысқан 14 баланың арасынан дараланған Төлеби ауданының қос оқушысы топ жарып, арнайы байқау жүлдесіне ие болды. Атап айтсақ, Төлеби ауданының Аққұм ауылындағы Қ.Тыныбеков атындағы жалпы орта мектептің оқушысы Бекзат Шалхарбай облыстық Мәдениет және халық шығармашылығы орталығының арнайы жүлдесіне, ал Ленгір қаласындағы №5 мектеп-гимназия оқушысы Мейірхан Рахым «Ең жас әнші» жүлдесіне қол жеткізді.
