2022 жылға мемлекеттік орта білім беру ұйымдарында білім алатын әлеуметтік осал топтардың 52 мыңнан астам балаларына мектеп формасымен және мектеп құралдарымен қамтамасыз ету үшін облыстық бюджеттен облыстық бюджеттен 1, 9 млн. теңге қаржы қаражат бөлінді.
Аталған қаржы ҚР Үкіметінің 2008 жылғы 25 қаңтардағы №64 қаулысында көрсетілген мемлекеттік білім беру ұйымдарының мемлекеттік атаулы әлеуметтік көмек алуға құқығы бар отбасылардан, сондай-ақ мемлекеттік атаулы әлеуметтік көмек алмайтын, жан басына шаққандағы табысы ең төменгі күнкөріс деңгейінің шамасынан төмен отбасылардан шыққан білім алушылары мен тәрбиеленушілеріне және жетім балаларға, ата-анасының қамқорлығынсыз қалып, отбасыларда тұратын балаларға, және білім ұйымының алқалы органымен шешім қабылданған өзге де санаттағы білім алушылардың 48 303 баланың ата-аналарының есепшоттарына аударылды.
Облыстағы экономикалық есептеулер бойынша әр балаға мектеп формасына 37 389 теңге белгіленді.
Оған қоса, «Мектепке жол» қайырымдылық акциясы аясында, демеушілер тарапынан мұқтаж отбасылардың 4723 балаларына киім-кешектер мен мектеп жиынтықтары алып берілді.
Бұл бағыттағы жұмыс 1 тамыздан басталып, ағымдағы жылдың 30 қыркүйегіне дейін жалғасады.
Қазіргі таңда, білім беру ұйымдарында, басқармада азаматтардың өтініштеріне жедел ден қою үшін «жедел желілер» үздіксіз қызмет етуде.
