Мақтаарал ауданында «Жасыл ел» жастардың еңбек жасақтары тазалық іс-шараларына белсенді қатысуда.
Аудандық «Жастар ресурстық орталығы» КММ-нің ұйымдастыруымен аудынымыздың студент және жұмыссыз жастарын қосымша жұмыспен қамту және қоғамдық, еңбек белсенділіктерін нығайтуды жүзеге асыру, жастар бойында азаматтық және отансүйгіштік қасиеттерін қалыптастыру мақсатында «Жасыл Ел» еңбек жасақтарын қалыптастырылған болатын.
Бүгін аудандық мәслихаттың депутаты, жастардың көшбасшысы Сүндет Кенжебаев ауданды көріктендіруге, абаттандыруға үлесін қосқандары үшін жастарға алғыс айтып, алдағы уақытта «Жасыл ел» еңбек жасақтарының қатарындағы жастардың санын көбейту керектігін атап өтті. Сондай-ақ, ауданда жастардың дамуына қажетті әлеуметтік нысандарды, демалыс орындарын салу бойынша жоспарларымен бөлісті.
Айта кетейік, мақтааралдық жастар «Жасыл ел» еңбек жасағы қатарында бола отырып, ауданымыздың көріктендіру-абаттандыру жұмыстарына қатысуда. Атап айтқанда, Мырзакент пен Атакент кентінің орталық көшелерін, қоғамдық орындарын қоқыстан арылтып, шөп-шалаңдарын шабуда. Сондай-ақ, талдардың ағаштарын бұтап, әлеуметтік нысандарды, гүлзарлар мен саябақтарды ретке келтіруде.
Қазіргі таңда 2 жасақта 200-ден аса жастар жұмыс істеуде. Олардың әрбірі арнайы формамен, құрал-жабдықтармен қамтылған.
