Түркістан облысы, Мақтаарал ауданының адами әлеуетті дамыту бөліміне қарасты «Мақтаарал аграрлық колледжінде» «Азамат» еріктілер тобының мүшелері, Студенттік Парламент ұйымы. Мақтаарал аудандық жұмыспен қамту және әлеуметтік бағдарламалар бөліміндегі Атакент өңірі бойынша жалғызілікті қарттар мен мүгедектерге үйде әлеуметтік көмек көрсету бөлімшесінің меңгерушісі Айсұлу Бекназарова және Атакент кентінің Жастар ісінің инспекторы Жұмаділлаев Әліби Әлібекұлы бірігіп, Халықаралық қарттар күніне орай «Қарттарын қадірлеген ел ардақты» тақырыбында Атакент кенті, Желтоқсан көшесі №3/1 үйінде тұратын Алдамуратов Сакен және Атакент кенті, 8 Март көшесі №15 үйде тұратын Фасхутдинова Роза Ивановнаның үйлеріне барып, тазалық жұмыстарын жүргізіп, ақыл-насихаттарын тыңдап, баталарын алды. Олардың өмір жолдары – бүгінгі ұрпаққа табылмас қазына. Біз өзіміздің ата-әжелеріміз алдында қарыздармыз. Ол қарызымызды тек жақсы тәрбие арқылы, адамгершілігі мол, мейірімді болу арқылы ғана, оларды көрген жерде құрметтеп сыйлау арқылы ғана қайтара аламыз.
Қарттар – біздің асыл қазынамыз, оларға ұзақ ғұмыр тілейміз!
