Арыс қаласының «Адами әлеуетті дамыту бөлімі» мемлекеттік мекемесі әдістемелік кабинетінің жұмыс жоспарына сәйкес 2022 жылдың 15-16 қыркүйек күндері Е.Молдабаев атындағы жалпы орта білім беретін мектебінде аталған тақырыпта шебер сынып өтті.
Мақсат – оқушылардың ғылыми жоба жұмыстарын рәсімдеу талаптарын түсіндіру, ғылыми жоба жұмыстарын жазуға бағыт-бағдар беру, әдістемелік қолдау көрсету.
Осы бағытта Арыс қаласының адами әлеуетті дамыту бөлімінің химия, биология пәндерінің әдіскері А.Мұхаметова қалалық шығармашылық топ мүшелерімен бірге 2022-2023 оқу жылында 8-11-сынып оқушылары арасында жалпы білім беретін пәндер бойынша республикалық ғылыми жоба конкурсының қалалық (сырттай іріктеу) кезеңдеріне қатысқан ғылыми жобалар іріктелді.
Іріктеу барысында 111 оқушының ғылыми жоба жұмыстарының ереже талаптарына сәйкес және сәйкес емес деп сараланды.
Осы ғылыми жоба жұмыстарында кеткен қателіктермен жұмыс жасау, бағыт-бағдар беру үшін шығармашылық топ мүшелері шебер сынып өтті.
Екі күндік шебер сыныпта С.Адамбеков атындағы жалпы орта білім беретін мектебінің мұғалімдері К.Жандарбекова, А.Қасымова, А.Кенжеханова, А.Кадирова мен директордың бейінді ісі жөніндегі орынбасары А.Жанбосынова, №11 Б.Момышұлы мектебінің тарих пәнінің мұғалімі Ғ.Жүнісов, қазақ тілі мен әдебиеті пәнінің мұғалімі Ұ.Жакупова, №32 Ә.Жанкелдин атындағы жом химия пәнінің мұғалімі Ф.Жолдасбекова, М.Әуезов мектеп-гимназиясының география пәнінің мұғалімі Б.Мелдеханова мен директордың бейін ісі жөніндегі орынбасары С.Абиева ғылыми жоба жұмысын рәсімдеу талаптары туралы түсіндірме жұмыстарын жүргізді.
