Түркістан облысы, Төлеби ауданының адами әлеуетті дамыту бөлімінің математика және физика пәндері бойынша әдіскері С.Темірбековтің ұйымдастыруымен «Дәстүрлі оқыту кезіндегі білім алушылардың біліміндегі олқылықтардың орнын толтыру және функционалдық сауаттылықтарын арттыру бойынша ұсынылатын алгоритм» тақырыбында Ленгір қаласындағы №3 П.Тәжібаева атындағы жалпы орта мектебінде аудандық әдістемелік көмек семинары өтті.
Мақсат — оқушылардың оқу қажеттіліктерін және жеке даму жолын ескере отырып, пән бойынша шәкірттердің білімін толықтыру алгоритміндегі жіберілген кемшіліктердің орнын толтыру және білім сапасын арттыру.
Аталған семинар барысында Бірінші Мамыр жалпы орта мектебінің математика пәні мұғалімі А.Мыңжасарова, Ы.Алтынсарин атындағы жалпы орта мектептің математика пәні мұғалімі Д.Сарыбаева, Қасқасу жалпы орта мектебінің математика пәні мұғалімі Ж.Тулеева, №3 П.Тәжібаева атындағы жалпы орта мектептің физика пәні мұғалімі М.Үсен, №7 ІТ мектеп-лицейінің физика пәні мұғалімі Т.Мадиева сынды білікті ұстаздар озық тәжірибелерімен бөлісті.
