Түркістан: Арыстық спортшылар Ыстамбұлдағы Әлем біріншілігіне қатысады

Түркістан облысы, Арыстық спортшылар Ыстамбұлдағы Әлем біріншілігіне қатысады. Бұл туралы Түркістан облысының Өңірлік коммуникациялар қызметі хабарлайды.


Еске сала кетейік, Орал қаласында ММА аралас жауынгерлік жекпе-жек бойынша жасөспірімдер мен жастар арасында ел біріншілігі өтті. Турнирде үшбірдей арыстық бұрымды өнер көрсетіп, жүлдегерлер қатарынан көрінді.

44 келі салмақта Аяулым Әбубәкір чемпион атанса, Аяжан Ергентай 52 келі салмақта күміс жүлдеге қол жеткізді. Ал, 48 келі салмақта сайысқа түскен Бимәриям Сапарәлі III орынды місе тұтты.

Арыс қаласының әкімі Гүлжан Мамытқызы жас чемпиондарды арнайы қабылдап, сый-құрмет көрсетті. Кездесуде спортшылар мен бапкері Асхат Борықбаевқа алғыс білдіріп, спорттық мансабында жеңісті күндері көп болуына тілектестік білдірді.

Олимпиадалық емес спорт түрі саналатын жауынгерлік өнер спортшылары әлем чемпионатына жолдама алды. Тамыз айында А.Әбубәкір мен А.Ергентай Түркия мемлекетінің Ыстамбұл қаласында өтетін турнирде ел намысын қорғайтын болды. 

«ANYQ.KZ» — ақпарат

Ad Widget

Recommended For You

About the Author: admin

1 Comment

Добавить комментарий

Ваш адрес email не будет опубликован.