Бүгін Шымкент қаласында тұрғын үй кезегінде тұрған және «5-20-25» мемлекеттік бағдарламасы аясында ипотека рәсімдеген 100 азаматқа тұрғын үй басқармасының мамандары пәтердің сатып алу келісім шартын табыстады. Оның ішінде көпбалалы отбасылар, толық емес отбасылар, мемлекеттік және бюджеттік ұйым қызметкерлері, халықтың әлеуметтік әлсіз тобы санатындағы азаматтар бар. Аталған тұрғын үйлер Нұрсәт шағын ауданында орналасқан №152,153,154,155-ші үйлер.
Аталған тұрғын үйлер бойынша келісім шарт жасаспаған азаматтар болса, қалалық Тұрғын үй басқармасына келіп сатып алу келісім шартын жасаса алады.
Бұдан бөлек Шымкентте жыл басынан бері тұрғын үй кезегінде тұрған 1293 азамат ипотекалық негізде Отбасы банк арқылы баспаналы болды. Оның ішінде, 1079 пәтер «5-20-25» бағдарламасы бойынша, 250 пәтер «2-10-20 Бақытты отбасы» бойынша рәсімделген.
Айта кету керек, «5-10-20» бағдарламасымен баспаналы болғысы келетін азаматтардың тұрғын үй кезегінде тұруы міндетті. Несие мөлшерлемесі – 5 пайыз; бастапқы жарна – 10 пайыз, ол үміткердің Отбасы банкі шотында жиналған болуы тиіс; қарызды өтеу мерзімі – 20 жылға дейін есептеледі.
Тілге тиек етейік, Мемлекет басшысы Қасым-Жомарт Тоқаев тұрғын үй кезегі мәселелесін шешу үшін Үкіметке «5-10-20″ бағдарламасын іске қосуды тапсырған болатын.5 жылға 20% бастапқы жарнасымен жылдық 5%-бен ипотекалық займ ұсынуды көздейтін бағдарламаның есептеу механизімі 2016 жылдың желтоқсан айынан бері жұмыс істейді. Алайда бағдарламаның өзі 2019 жылы іске қосылды. Бұл бағдарлама бойынша тұрғын үй алуға әскерилер, мемлекеттік қызметкерлер мен бюджеттік сала өызметкерлері үміткер бола алады. 5-10-20» бағдарламасымен баспаналы болғысы келетін азаматтардың тұрғын үй кезегінде тұруы міндетті. Табыс көзі отбасындағы жан басына шаққанда 3,1 күнкөріс деңгейінен аспауы қажет.
