Қазығұрт ауданының адами әлеуетті дамыту бөліміне қарасты «Ә.Бектаев атындағы жалпы орта білім беретін мектебі» коммуналдық мемлекеттік мекемесінің әдістемелік кеңесі жоспарына сәйкес 05.10.2022 жыл күні алгебра пәнінің мұғалімі Исакова Ләззат апайдың 11 сыныпта „Анықталған интеграл“ тақырыбындағы ашық сабағы болып өтті. Сабақ жоспарлары жақсы жоспарланған. Сабақтар барысында қолданылған әдіс-тәсілдер тақырыпқа сай және оқу мақсатына жұмыс жасайтын етіп алынған. Оқушылардың сабаққа қызығушылығы сабақ барысындағы белсенділігімен көрінді. Оқушылар бірін-бірін «Екі жұлдыз, бір тілек», «Пайыз», әдістерімен бағалап, мұғалім тарапынан дер кезінде кері байланыс беріліп отырды. Сабақ соңында оқушылардан кері байланыс тиімді алынды. Сабаққа енген мұғалімдер тарапынан әріптестерімізге жетістіктері мен ұсыныстар айтылып, жұмысына шығармашылық табыстар тіледі.
