Бүгін Түркістан облысы адами әлеуетті дамыту басқармасының ұйымдастыруымен “Мұғалімдер” күніне орай “Ұстаз жолы-ұлы жол” атты мерекелік концерт өтті.
Айтулы шарада Түркістан облысы әкімі Дархан Амангелдіұлы Сатыбалды сөз сөйлеп, ұстаздарға жылы лебізін білдірді.
Сондай-ақ, Дархан Сатыбалды Республикалық, облыстық олимпиада және спорт жарыстарының жеңімпаздарын дайындаған 20дан аса мұғалімге өз атынан марапатын беріп, арнайы сыйлықтар табыстады.
Шара барысында Ардагер ұстаздарға да құрметі көрсетілді. Жас педагогтар ұстаздық жолында аянбай еңбек еткен зейнеткер мұғалімдерге гүл шоқтары мен арнайы сыйлықты табыс етті.
Мерекелік шараның негізгі бөлімі сахналық қойылымымен жалғасын тапты. Әуезді әндер шырқалып, мың бұралған бишілердің өнері дүйім жұртқа ерекше көңіл-күй сыйлады.
