Кеше Түркістан қаласындағы «Ақжайық» музыка мектебінде «Облыстық қосымша білім беруді дамыту орталығы» КММ-нің ұйымдастыруымен «Өнерлі ұстаз —2022» байқауы өтті. Түркістан облысына қарасты техникалық және кәсіптік білім беру ұйымдарының ұстаздары арасында өткен бұл байқаудың мақсаты — ұстаздардың тарихи танымдығын, педагогика-психологиялық сауаттылығын, шығармашылық талантын анықтау.
Байқау шарты 3 кезеңнен тұрды.
- Өзін-өзі таныстыру. 2. «Мен қазіргі заман педагогымын», педагогтың кәсіби шеберліктерін анықтау.
- Өнер кезеңі. «Біз өнерлі ұстазбыз» өнер сайысы.
Байқау қорытындысы бойынша бас жүлде иегері — Түркістан көпсалалы индиструалды техникалық колледжінің ұстазы Сейітмұрат Сырым Әзімханұлы,
І — орын иегерлері: Оразбай Манат, Төлеби ауданы, Ленгер қаласы №8 колледжі, Болысбаева Сандуғаш, Отырар ауданы, Д.Құрманбеков атындағы №20 колледжі.
Жеңімпаз ұстаздарға «Облыстық қосымша білім беруді дамыту орталығы» КММ-нің Алғыс хаттары мен қаржылай сертификаттар табысталды.
