Түркістан облысы, Мақтаарал ауданының адами әлеуетті дамыту бөліміне қарасты мектепке дейінгі ұйымның әдіскерлерімен бірге «Мектеп жасына дейінгі балаларды ұлттық құндылықтар негізінде тәрбиелеу» тақырыбында семинар практикум болып өтті.
Мақсат — ұлттық құндылықтарымызды дәріптеп, үлкенге құрмет, кішіге қамқор бола білетін жеке тұлғаны қалыптастыру. Ұлттық мінез-құлықтың негізгі дағдыларына тәрбиелеу, адамгершілік ұғымдары мен дұрыс мінез-құлық қалыптастыруға ықпал ету.
Семинар аясында «Үлгілі», «Гулдер», «Әуметхан», «Әсел», балабақшасының әдіскерлері ұлттық құндылықтарды іс-әрекет барысында қолданып жатқан ойын түрлерімен бөлісті. «Ел боламын десең, бесігіңді түзе» демекші, ел болып, ұлт болып қалыптасуымыз үшін «Ұлттық тәрбие» балабақшалардан бастау алары сөзсіз.
