ТҮРКІСТАН: «Ауыл шаруашылығын механикаландыру» және «Фермер шаруашылығы» құзы-реттілігі бойынша «Үздік шебер — 2022» байқауы өтті

Облыстық техникалық және кәсіптік, ортиа білімнен кейінгі білім ұйымдарының арасында оқытушы педагогтар үшін «Ауыл шаруашылығын механикаландыру» және «Фермер шаруашылығы» құзыреттілігі бойыныша «ҮЗДІК ШЕБЕР – 2022» байқауы өтті.

Байқау 2 модульден құралған. Атап айтқанда, ауыл шаруашылық машиналары және тракторлары бойынша жауаптан тұратын тестен құралды.

Ал, екіншісі дизельдерге арналған жанармай насосын диагностикалау, реттеу және орнату бойынша Д-240 қозғалтқышының жоғарғы қысымды жанар май насосын диагностикалады, насостың түрлерін, маркаларын, құрылысын және жұмыс істеу принципін түсіндірді.

Сонымен қатар, жанар май насосының бірінші цилиндрге баратын түтікшесін босатты, бірінші цилиндрді қысу тактысының жоғарғы шекті нүктесін анықтады. Жанар май насосының алдыңғы жағындағы дискілерін босатып, жанар май беру кезін реттеді. Босатылған бөлшектерді орнына орналастырды.

Сараптау кеңесі мүшелерінің қойған ұпайларын есептеу нәтижесі бойынша қорытынды бағалар анықталды. Бағалау барысында ешқандай кемшіліктер анықталмады.

Сараптау кеңесі мүшелерінің қойған ұпайларын есептеу нәтижесін бойынша жүлделі орындар анықталып марапатталды.

Орын Қатысушының аты-жөні Қатысушы мекеме Ұпайлар саны

І орын Сүлейменов К Д. Қонаев атындағы аграрлық техникалық колледж 97

ІІ орын Атакулов Қ Мақтарал аграрлық колледж 88,5

ІІІ орын Әміров О. Түркістан жоғары көпсалалы, аграрлық колледжі 81

Сонымен қатар «Белсенді шебер» номинациясы бойынша Рысымбет Малик Әбдіжаппарұлы – № 18 колледжі, «Табысты шебер» Медетов Нуржан Бекболатович — Сайрам ауданының адами әлеуетті дамыту бөлімінің «Оқу-өндірістік комбинат» коммуналдық мемлекеттік мекемесі, «Креативті шебер» Еспенбетов Сержан Кожахметулы — Түркістан көпсалалы – техникалық колледжі МКҚК оқытушылары марапатталды.