Түркістан облысы адами әлеуетті дамыту басқармасының «Облыстық қосымша білім беруді дамыту орталығы» КММ-нің ұйымдастыруымен 21- қараша күні Түркістан жоғары көпсалалы, қол өнер колледжінде Балалар жылы аясында «Жыл оқушысы» облыстық сайысы өтті.
Байқау мақсаты: оқушылардың білім деңгейін арттыру, оларды білімнің әртүрлі салаларында дербес ғылыми-зерттеу және шығармашылық жұмысқа тарту, тұлғалық қабілеттерінің жаңа деңгейін қалыптастыру. Байқауға мемлекеттік білім ұйымдарының 6-11 сынып оқушылары қатысты. Қорытынды нәтижесінде Нұртас Оңдасынов атындағы Түркістан мамандандырылған мектеп-интернатының оқушылары: Келісбек Жансая, Алтынай Аманғазиева, Нұрай Жұпарбек жеңімпаз атанып, республикалық сайысқа жолдама алды.
