Мақтаарал ауданы білім бөлімінің әдістемелік кабинетінің ұйымдастыруымен «Орта білім берудің мазмұны: көзделген нәтижелер мен іске асыру тетіктері» тақырыбында оқыту семинары өтті.
Оқыту семинарына аудандық білім беру ұйымдарының оқу ісі жөніндегі орынбасарлары мен әдістемелік бірлестік жетекшілері қатысты. Семинарға қатысушылар фасилитациялық сессияларда топпен жұмыс істеп, білім алушылардың бойында болуы тиіс құндылықтарды анықтап, құзыреттіліктермен байланыстырды. Шағын топтарда жұмыс істей отырып, өз ойларымен бөлісті. Сессия модераторы аудандық әдістемелік кабинет әдіскері Н.Мырзалиева жаңа Мемлекеттік жалпыға міндетті білім беру стандарты жобасының мазмұнымен таныстырды.
Айта кетсек, өткізілген семинар ағымдағы жылдың 28-29 наурыз күндері Астана қаласындағы Ы.Алтынсарин атындағы ҰБА-ның ұйымдастыруымен өткен республикалық семинар жұмыстарын түсіндіру негізінде ұйымдастырылып отыр.
«ANYQ.KZ»-ақпарат.
