Түркістан облысы адами-әлеуетті дамыту басқармасына қарасты №19 колледж мемлекеттік
коммуналдық қазыналық кәсіпорын мекемесінің жаңағимараты 2014 жылы пайдалануға берілген. Осы алты жылда колледж 962 маманды даярлап шығарды.
Құрметті талапкер- 2021!
Білікті маман иесі болғыңыз келе ме? Ендеше білім мен білікті меңгеруге, мамандықтың қыр-сырын ашуға, қызыққа толы студенттік өмір өткізуге көмек беруге дайын Бәйдібек ауданы Шаян ауылындағы № 19 колледжге оқуға түс! Колледж 2021-2022 оқу жылына техникалық және кәсіптік, орта білімнен кейінгі білімі бар кадрларды даярлауға арналған мемлекеттік білім беру тапсырысы
Қабылдау комиссиясы 8-725-48-2-14-88 , 8-778-327-1000
Тапсыратын іс- құжаттары:
1.Өтініші /үлгі бойынша/.
2.Жеке куәлігі немесе туу туралы куәлігінің көшірмесі нотариуспен куәландырылған.
3.Білім туралы аттестаттың түп нұсқасы.
4.ЖСН.
5.3х4 суреті 4 дана.
6.Форма 086 у медициналық анықтамасы.
Мерзімі: 25 маусым айы мен 20 тамыз айы аралығында электронды және қолма-қол құжат қабылдау процесі жүргізіледі 25-28 тамыз аралығында талапкерлер әңгімелесу тәртібі бойынша конкурспен оқуға қабылданады.
Студенттерге әлеуметтік жағдайларына қарай тегін жатақхана қарастырылған.
Үздік оқыған студенттерге 22000 теңге көлемінде шәкірт ақы тағайындалған.
Оқу ордасының тарихына көз жүгіртсек, іргетасы 1958 жылы № 85 Селолық кәсіптік техникалық училищесі болып Жүзімдік машина-трактор станциясының базасында құрылған. Сол жауапты кезеңнен бастап мекемені Қорғанбаев Ноғайбай басқарған.
1958-1961 жылға дейін басшылық еткен Қорғанбаев Ноғайбайдан кейін басшылықты оның оқу ісі жөніндегі орынбасары Рүстемов Төрехан 1962 жылға дейін басқарды.
Ал 1962-1971 жылдарда ұжымды Әлжанов Сәни басқарған болатын.
1983 жылы мекеменің атауы 1993 жылға дейін № 26 Орта кәсіптік техникалық училищесі болып өзгертілген.
Осы кезеңдерде мекемені басқарған :
1971-1977 жылдары Тазабеков Ізмахан
1977-1984 жылдары Хабиев Сейілхан
1984-1985 жылдары Пәрменов Әбдіғаппар
1985-1988 жылдары Әбілқасымов Шабиден
1988-1989 жылдары Сәрсенбеков Әлібек
1989-1990 жылдары Есенбекова Қарашашапайлар директорлық қызмет атқарған.
Осы жылдардағы даярланған мамандықтар:
Комбайнерде
Кең профильді тркторист-машинист
Ауыл шаруашылығының механигі
Автакөлік жүргізушісі
Шопан механизатор
Бухгалтер-есепші
Дәнекерлеу мамандығы
Вет.санитарда
Дүкен сатушысы
Тігінші мамандығы
Аспазшы
Электромонтер
1993 жылдан 1997 жылға дейін № 19 Орта кәсіптік техникалық училищесі
- дан 2000 жылға дейін № 19 Шаян кәсіптік техникалық мектебі
- дан 2002 жылға дейін № 19 Алғабас кәсіптік техникалық мектебі
2002 жылдан 2008 жылға дейін № 19 кәсіптік мектебі болған.
2008 жылдан 2012 жылға дейін мекеме атауы № 19 кәсіптік лицей қазыналық кәсіпорын мекемесі болып өзгертілген. Осы кезеңдерде мекемені Медеу Құдайберген басқарса,2011 жылдың мамыр айы мен 2014 жылдың наурыз айына дейін директорлық қызметті Алиасқаров Лесбек басқарды.
2012 жылдың 24 желтоқсан айынан бастап мекеме атауы № 19 колледж мемлекеттік коммуналдық қазыналық кәсіпорыны болып осы күнге дейін өзгертілмей келеді.
№ 19 колледж мемлекеттік коммуналдық қазыналық кәсіпорынын 2014 жылдың сәуір айынан бастап Омарбеков Бақыт Ербатырұлы осы күнге дейін басқарып келеді.
