-Бүгін Мемлекеттік қызмет істері агенттігінің Түркістан облысы бойынша департаментінде «25 қазан – Республика күні» Ұлттық мереке қарсаңында мерекелік іс-шара өтті.
-Іс-шара барысында, қызметтік міндеттерін үлгілі орындағаны және қызметінде жоғары нәтижелерге қол жеткізгені үшін Агенттік төрағасы Д.Жазықбаевтың арнайы «Грамотасымен» Б.Әшір, «Алғыс хаттарымен» Н.Базарбек және Д.Мусаев марапатталды.
-Сондай-ақ, мерекеге шақырылған қызметкерлердің балалары үшін Департамент бойынша экскурсия ұйымдастырылып, балалар ата-аналарының жұмыс орнымен танысты.
-Бұдан өзге, Департаменттің ұйымдастыруымен өткен «Менің Республикам» байқауы өз мәресіне жетіп, бірінші орынды Мағжан Қайратұлы, екінші орынды Айсұлтан Бейсенбай және Аяулым Бурамбай иеленсе, Қарақат Анарбек пен Арыстан Айдос жүлделі 3 орынды бөлісті.
-Өзге қатысушыларға Департамент белсенділік танытқандары үшін алғыс білдіріп, Республика күнімен шын жүректен құттықтайды!
