Түркістан облысының кәсіпкерлік және өнеркәсіп басқармасы бастаған, құрамында Сайрам, Сауран, Отырар, Қазығұрт, Ордабасы аудандары және Кентау қаласының әкімдері, сонымен қатар кәсіпкерлерден құралған Түркістан облысының делегациясы Қытай Халық Республикасының Линьцин қаласына іссапармен барды.
Мақсат – облысқа, аудандарға инвестиция тарту, екіжақты сауда мен экономикалық ынтымақтастықты арттыру және жергілікті кәсіпкерлермен тәжірибие алмасу.
Делегация алғашқы күні Қытай Халық Республикасының Шандонг провинциясының Линьцин қаласының әкімшілігі және бизнес өкілдерімен кездесті. Жиналыста Линьцин қаласының басшылығы қаланың тарихын, бизнес климатын, ауыл шаруашылығы, өндіріс, қайта өңдеу салаларында жеткен жетістіктерімен таныстырды.
Түркістан облысының кәсіпкерлік және өнеркәсіп басқарма басшысының орынбасары С.Көшкінбай Түркістан облысы делегация құрамын таныстырып, облыстың инвестициялық тартымдылығы бойынша әзірленген арнайы видеоматериалды көрсетті. Сонымен қатар облысқа инвестиция салудың тиімділігі бойынша арнайы презентация жасалды.
Екінші күні делегация бұрғылау машиналарына және магнитті крандарға қажетті жабдықтар шығарумен айналысатын Қытайдағы ең ірі кәсіпорынның бірі – «Shandong Band Hongzhongchuang Intlligence Equipment Co., Ltd» компаниясының жұмысымен танысып, кәсіпорынның көпжылдық тәжірибиесі негізінде өндірісті Түркістан облысында бірлесіп дамыту жолдарын талқылады.
Сонымен қатар «Shandong Band Hongzhongchuang Intlligence Equipment Co., Ltd» компаниясының өкілдеріне Түркістан облысының шикізаттық әлеуеті таныстырылып, аталған өндірісті Түркістан облысында бірлесіп кәсіпорын ашу арқылы дамыту ұсынылды. Кәсіпорын ашылған жағдайда, Қазақстанның ТМД елдерімен және Евразия экономикалық одағына мүшелігін пайдаланып, өнімді экспортқа кеңінен шығару мүмкіндігі айтылды. Нәтижесінде, кәсіпорын басшылығы алдағы уақытта осы мәселе бойынша Түркістан облысына арнайы іссапар ұйымдастыруды жоспарлауда.
Одан соң делегация құрамы тоқыма кластерін құраған «Linqing Sanhe Textile Group Co., Ltd» компаниясында болды. Компанияда мақта өңдеуден бастап, жіп иіру, мата шығару, дайын өнімдерді тігуге (киім, мата ойыншықтар, т.б.) дейін жолға қойылған. Қазіргі таңда «Саньхе» компаниясында айына 60-тан 80 мың тоннаға дейінгі мақта өңделуде.
Кездесуде «Linqing Sanhe Textile Group Co., Ltd» компаниясының басшылығына, Түркістан облысы Қазақстандағы мақта егетін бірден-бір облыс екендігі айтылып, сондай-ақ жылына 130 мың гектарға жуық алқапқа мақта егіліп, 300 мың тоннадан астам мақта өнімі алынатындығы бойынша барлық ақпараттар ұсынылды.
Әкімдік, облыс аумағында алынған мақта өнімін Қытайлық «Linqing Sanhe Textile Group Co., Ltd» компаниясына экспорттауға және мақтаны толық өңдеу мақсатында Түркістан облысы аумағында бірлескен кәсіпорын ашуға ниетті. Осыған орай, «Linqing Sanhe Textile Group Co., Ltd» компаниясы өкілдерімен келіссөздер жүргізілді. Соның нәтижесінде, Түркістан облысында егілген мақта өнімін зерделеу мақсатында, «Linqing Sanhe Textile Group Co., Ltd» компаниясына ұсынылатын болады.
Бұдан өзге қағаз өнімдерін шығаратын «Zhongye Paptr Industry Yinhe Co., Ltd» компаниясының жұмысымен танысты. Компания тарапынан, Қытай Халық Республикасындағы экологиялық талаптарға байланысты шектеулер салдарынан компанияны Түркістан облысы аумағынан ашуға ниетті.
Компания өкілдеріне Түркістан облысының импорттық және экспорттық әлеуеті, бизнес климаты таныстырылды. Облыс аумағында бірлескен кәсіпорын ашу бойынша, зауытқа қажетті шикізат көздеріне зерделеу жұмыстары жүргізу, жобаның болжамдық жобалау құжаттарын жасау бойынша жұмыстар жүргізу жөнінде келісімдер жасалынды.
Одан басқа сүт өнімдерін шығарумен айналысатын «Rutai Dairy Industry» компаниясын аралап көрді. Компанияда 5000 мың бастық асылтұқымды сиырлар бағылуда. Күнделікті сиырлар сауылысымен өнім тікелей зауытқа жеткізіліп, дайын өнімдер шығарылуда.
Делегация тарапынан, компанияның сиырларды бағу, сүтті өңдеу, дайын өнімдерді шығару бойынша жұмыстарымен тәжірибие алмасты. Облыстан келген сүт өнімдерін өндірумен айналысатын бизнес өкілдері компанияның сүт өңдеу саласында қолданып жатқан жабдықтарының тиімділігін зерделеп, жабдықтарды алу бойынша ақпарат бөлісті.
Түркістан облысы және ҚХР Шаньнуднг өлексі арасындағы ынтымақтастық, экономикалық, сауда және ауыл шаруашылығы байланыстарын арттыру бойынша меморандумдарға қол жеткізілді.
Түркістан облысынан барған делегация кезекті іссапарын ҚХР Шаньдун өлкесінің ірі өнеркәсіптік қаласы Ляочен қаласында жалғастырды. Ляочен қаласында Ляочен және Линьцин қала әкімшілігі басшылары және өндірістік кәсіпорындарының қатысуымен үлкен кездесу өткізілді. Кездесуде Түркістан облысының экономикалық жағдайы және инвестициялық мүмкіндіктері жөнінде презентация жасалды. Ляочен және Линьцин қалаларының өкілдері де өздерінің экономикалық әлеуеттерін таныстырып, Қазақстан Республикасымен сауда- экономикалық мүмкіндіктерін ортаға салды.
Кездесу қорытындысымен, Түркістан облысының Сайрам, Сауран, Ордабасы, Отырар, Қазығұрт аудандары, Кентау қаласы әкімдіктері және ҚХР Ляочен және Линьцин қалалары арасында ынтымақтастық, экономикалық, сауда, ауыл шаруашылығы және әлеуметтік салалардағы қарым қатынасты нығайту жөнінде арнайы маңызды меморандумдарға қол қойылды. Сонымен бірге «Turkistan invest» ЖШС де Қытай компанияларының бірімен меморандум жасай білді.
Меморандумға сәйкес, қол қойылған өңірлер әкімдері екіжақты мәселелер бойынша тұрақты байланыс орнатып, кәсіпорындар ашу бағытында жұмыс жүргізеді.
«ANYQ.KZ»-ақпарат.
