Қала әкімінің тапсырмасына сәйкес Абай ауданындағы жасыл аймақтың аумағы 10 гектарға ұлғайды.
Бұл туралы аудан әкімі Б.Парманов қала әкімі Мұрат Әйтеновке баяндады,-деп хабарлайды Шымкент қаласы әкімдігінің баспасөз қызметі.
Онда «Шымкент-Ташкент» бағытындағы трассадан Ақжар тұрғын алабына дейінгі 3 шақырым жол бойының екі бағытына 10 000 түп; Құрсай шағын ауданындағы «Мұсылман мазаратының» аумағына 4 500 түп; Гулисман көшесінің бойымен Бадам өзенінің жағалауына 3 000 түп; «Шымкент-Түркістан» бағытындағы жол бойына 2 500 түп; 2 500 көпқабатты тұрғын үй аулаларына 22 500 түп ағаш көшеттері демеушілер есебінен алынып, қарағаш және жаңғыл ағаштары егілді.
Шымкент-Түркістан бағытындағы 5 га аумаққа жабайы өрік – 600, қарағаш – 700, үйеңкі – 600, шаған – 600 түп отырғызылды. Сонымен қатар, 3 мың түп раушан гүлі егілді. Бұл жұмыстарға көп қабатты тұрғын үй тұрғындары мен әкімдік қызметкерлері қатысқан.
«ANYQ.KZ» — ақпарат
